如何規探女神的年齡秘密？

女人對於自己既年齡永遠保持神秘態度，保養得宜分分鐘你估佢唔到。你以為問佢咩生肖就會對你放下戒心？No way!! 佢都係唔會答你，你唔知每個女人都係福爾摩斯？如果你係一名男士想試探女神年齡 range，醒你一個 tips，問佢鍾意聽咩歌，睇下佢答你容祖兒，周慧敏定梅姐。Well，可能佢會答你 “我鍾意 jazz”，咁恕我幫唔到你喇。但每個 client 係我面前就要將年齡赤裸裸地話我知，(無咁赤裸，age range 就足夠)，年齡幫助我地更了解佢地身體狀況，令整個 consultation 更順暢。例如介乎 50-55，我就會問是否已經停經，如果介乎 30-35，我就會問經期是否正常。

“ Heather，在調製最適合你的配方前，我需要知道你的一些資料，如：年齡，身體狀況，過往病歷，血壓狀況是否正常，生活飲食習慣，懷孕計劃，是否有藥物或任何敏感等等。這些資料除了有助我地選用針對狀況療效的香薰油之外，亦能避免選用對你身體狀況有相沖或危險的香薰油。希望你能明白。＂

“明白，請隨便問＂ 面對斯文既client，我發現我既聲線都會明顯變得斯文 “你的年齡屬於邊一個範圍＂

“50-55＂

“過往或現在有沒有患病紀錄? ＂

“我患糖尿病好幾年了＂

“血壓是否正常，有沒有高/低血壓? ＂

“血壓不算正常，要定時食藥控制＂

完成整個 full consultation 後，針對 Heather 呢個 case，我為佢調配了卸妝水，溫和潔面泡沫，花水噴霧，修護面霜。四款產品不像一般固定配方產品，而是一系列的面部 Treatment 護理。利用植物油，花水，植物萃取作基底，加上具鎮靜，降紅及收斂血管的複方精油，令整個 Treatment 護理從清潔到保養都能溫和有效地改善泛紅乾燥情況，提升皮膚屏障自癒能力。

作為一個專業香薰治療師，係有責任兩星期後跟進返 Heather 情況，對於 Treatment 質地，香氣既感受，情況是否有受控等等。Heather 每日早上出門前先塗抹面霜及全物理性防曬霜，配合生活習慣上的改變，戒吃刺激性食物，出門會攜帶手提小風扇保持涼快，面部泛紅時使用花水噴霧。Heather 反映皮膚乾紋已減少，沒有乾燥繃緊，花水噴霧能即時為面上泛紅部分降紅，情況暫時受到控制。

只要積極面對，配合生活習慣小轉變，即使患玫瑰痤瘡都可以活得像 Heather 咁優雅。